狀元最想知道嘅3D清晰答題框架 = 寫最少嘢 + 拎最多分 + 滅絕careless mistake + 考官最LIKE + 答得最輕鬆!

　　提到3D尋邊覓角嘅題目，好多同學都耍手擰頭，根據杜氏數學Herman To Math非正式統計，同學最憎3D嘅三大原因如下：

　　（一）步驟超多，寫到水蛇春咁長，但又得好少分。

　　（二）無從入手，資料擺曬喺度，但諗唔到自己有咩係計到。

　　（三）幻想唔到，幻想唔到點樣喺件立體抽塊平面出嚟。

　　基於呢三個原因，唔少忽略學生個別困難嘅老師，就索性用結果論，見你花多多時間拎得少少分，就勸你不如放棄。其實唔使！

　　接下來我將會分享我嘅答題框架，教你對治以上三個難點。

　　首先，我地研究下Marking Scheme先，以2013年18題(b)(ii)為例： 

　　只係得3分，但總共有20行，的確要寫到水蛇春咁長。雖然係咁，睇真啲其實只係得4步:

（１）搵CN

（２）搵∠ACB

（３）搵AN

（４）搵∠ANC

　　4步拎3分，話曬都Section B，差唔多啦！

　　你可能心諗：「雖然得4步，但的而始確要寫20行喎！」請記住以下說話：Marking Scheme係畀考官睇，唔係畀你睇！話到明 “Marking” Scheme，唔係 “Answering” Scheme嘛！

　　換言之，你可以唔跟Marking Scheme而跟我嘅答題框架，而事實證明，你亦都可以安心咁跟，因為我一向都係用呢個框架去考試，我2016年親身上陣，Maths + M2「雙5**」，實證靠得住。

　　我嘅答題框架如下：

In ΔXXX, Formula ∴Answer

　　以上面搵AN嗰一步為例，我會寫：

In ΔANC,                      AN2 = CN2 + AC2 – 2(CN)(AC)cos∠ACB ∴AN = 26.03453787

　　有幾樣嘢要留意：

（１）寫明考慮邊個三角形，一來方便考官睇，二來亦方便你自己覆卷或者翻查嘅時候，容易啲搵返係邊個三角形。

（２）寫formula嗰行前面留啲spacing，原因係運算太花哩碌，其實之後好細機會refer返，多數都係用返個答案，好少需要睇返條式。

（３）最後答案嗰行，一定要寫Therefore嗰個符號，要露曬三點，原因係呢個格式可以突出到一啲你已經計咗嘅資料，到你翻睇都易啲搵返。

（４）假如條題目係搵AN而你需要取至3位有效數字的話，就咁寫：

In ΔANC,                      AN2 = CN2 + AC2 – 2(CN)(AC)cos∠ACB ∴AN = 26.03453787  = 26.0

  

      好多同學會諗住慳時間，於是唔將計數機全個數抄低。好可惜，唔抄先至嘥時間，因為當你要返嗰個數嘅時候，你又要重新計多次；就算你醒到將啲數SAVE入計數機，你都仲要承受2個風險：

（１）如果你有自設Program，而個Program都有用到嗰個SAVE位的話，你用完個Program，你SAVE咗嗰個數就會受影響。

（２）如果你計嗰條數複雜到，你要用好多個SAVE位的話，你要記得邊個SAVE位係邊條邊、邊隻角。（諗起都頭痛）

　　至於「無從入手，資料擺曬喺度，但諗唔到自己有咩係計到」嘅問題，其實你需要嘅係一個「武器庫」！即係一個「你可以計到……」嘅LIST，詳細嘅用法遲下再講，依家我寫低條 “咒語” 先，歡迎參詳參詳：

　　Δ = 3邊 + 3角,  3邊 / 2邊1角 / 1邊2角 / 3角 

　　è  3邊3角  &  面積  &  3高

　　至於幻想平面，最快嘅方法，就係先定咗你要抽出嚟嗰個面，究竟啲角叫咩名，例如嗰三個角係A、B同C，你就直接喺草稿紙標咗A、B、C三點先，然後連線遊戲咁連起佢，咁個面就出咗嚟，再標返啲已知嘅邊同角，咁就清楚曬。簡單啲講：唔好諗抽面先，抽咗啲角出嚟，再連返佢，有點有線就有面架啦！

　　最後，補充多一點先：做3D題有時要用一啲題目無標明嘅點，以Practice Paper嘅一題為例，Marking Scheme係咁樣介紹Q點出場：

　　呢個寫法其實無乜同學會咁寫，我亦唔建議採取呢種寫法，原因係你要好熟悉數學專有名詞，而事實上介紹新嘅點出場，只需要精確表達就可以，我建議你參考我嘅「Let Point大法」(設點大法)：

Let 點名 be the point on 線名 such that 所有特徵.

　　根據呢條公式，我就會咁寫：

Let Q be the point on AB such that CQ ⊥ AB.

　　講到呢度先，我靴文，撐硬你！